الاثنين، سبتمبر 03، 2007

إلي اللانهائية وما بعدها – To Infinity and Beyond

-1-


- "عمرو, يااااااعمرو"
- "أيه, نعم أيوة يا شريف"
- "هتسافر في طيارة الساعة 6"
- "أيه, مين, فين, طب مين هيسوق الطيارة, مبعرفش اربط حزام الامان,و......"
- "طيران الكويت"
- " وعندي فوبيا المرتفعات, وبخاف من الاماكن المغلقة ومابحبش العناكب, و........"
- "هتنزل ترانزينت ساعتين في الكويت و بعده كده هتروح دبي, يالا هوصلك البيت تاخد شنطتك ونطلع علي Amex ناخد تذكرة الطيران و بعد كده نروح المطار الجديد"

الكلام دا كان يوم الحد 19 أغسطس الساعة 1, واللي الناس ماتعرفهوش انه كان سنة 2007!!, المهم ركبت مع شريف كان الاول لازم اسحب فلوس كاش عشان ادفع تمن الطيارة, بس المشكلة ان ال ATM بتاعت ال CIB ما بتسحبش غير مبلغ محدد مايكفيش تمن التذكرة و شوية كاش كده عشان Check-in في الفندق, دا غير ان انا ماعرفش مكان ATM في شارع الهرم, وقعدنا بقي نتصل بفلان وعلان و ال Customer Support بتاع CIB و كلمنا ال Manager عشان ناخد Approval أني أسافر First Class و كلمنا ال Project Architect وفقرة التنويه عن المفقودين في القناة التالتة و كل دا والرصاص ينهمر من كل اتجاه و شريف يتفادي الطلقات بمهارة فائقة يحسده عليه أدهم صبري نفسة.

المهم وصلنا ل ATM مجهوله الهوية موجوده في كايرو مول, وسحبت الفلوس جري و ركبت العربية قبل ما تلحقنا عصابات المافيا اللي تنتشر في شارع الهرم في الواحدة والنصف ظهرا, بس الظاهر ان في واحد لمحني و طلع يجري ورايا بس انا ركبت العربية "أطلع يا شريف بسرعة, و..... "لو سمحت, حضرتك نسيت ال ATM Card بتاعك في الماكنة!" (أيقونة تعبر عن السذاجة TODO:)

وصلت البيت الساعة اتنين و دخلت عليهم بوجه مكهفر كجملود صخر حطة السيل من علٍ و سرعتهم و فين الشنطة, فيت الكتاب اللي هاخده معايا, لأ مش عايز كل الشربات دي, لأ بلاش فوط, الفندق فيه كل حاجة, اه طبعا حطيها, دي ما ينفعش اسافر من غيرها (مش فاكر هي ايه!!), وسلمت عليهم في البيت و خرجت لشريف, واضح انه كان قلقان لأن طيارته الساعة 6!!, و ركبت العربية و بدأت مطارده من نوع أخرومهمة أخري تنتظر الرجل....
رجل المستحيل....


* * *


الطريق كان زحمة و كله تراب و حاجة كرب, كانو بيشتغلو في اختراع جديد انهم يمدو كوبري من الدائري لجامعة القاهرة و الطريق اللي كان حارتين رايح جاي بقي حارة واحدة ولكي تذداد العملية كأبه, جم في الحارة اليتيمة اللي فاضلة و قررو يحفرو عشان يركبو كابل كهربا!!!!!!

المهم خرجنا من المسأه (المء س, المئسة, المسأة, المءسة, الMa2saah ) دي ووصلنا علي أول صلاح سالم, كانت الساعة ساعتها 3:30, بدأت مرحلة البحث عن Amex اللي هاخد منها تذكرة الطيران, المعلومات اللي كانت موجوده في الظرف اللي متشمع بالشمع الاحمر واللي مافتحنهوش إلا بعد ماركبنا العربية بتقول انها هتكون لابسه جيبة خضرا مرسوم عليها علم مقدشيو عشان التمويه و كلمة السر هي "مصر محتجالك يا رأفت".

أتصلنا با project Architect مرة تانية عشان ناخد عنوان American Express – Amex, وبعد بحث مكثف و في الساعة الرابعة والنصف وصلنا ل Amex, و بعد تبادل كلمات السر خدت التذكرة و ركبت العربية تاني كانت ساعتها الساعة 4:30 تقريبا, وبسرع تقل قليلا عن سرع الضوء انطلقنا علي المطار الجديد, وصلت هناك الساعة 5, وسلمت علي شريف ووصيته علي مصر و دخلت المطار وهنا دخلت المواجهه مرحلة أخري, واصبحت أكثر تعقيدا, تري, ماذا سيحدث في هذه المعركه الجديده, هذا ما ستعرفة في العدد القادم, تابع معنا و قاتل بعقلك وكيانك مع رجل المستحيل....
يتبع....


* * *


(المء سه, المئسة, المسأة, المءئسة, المسأته, المئأسه, المسأئة, اللعنة بتتكتب ازاي الكلمة دي!!........)

هناك 4 تعليقات:

GMY1110 يقول...

la2 gameeela, bas 7elwa ta3beeratak welgaw dah,, tayeb maho enta tenfa3 aho fe 7aga taniah,, seebak ba2a mn el IT dah msh gaib hamoh :)

Hanan Mohammed يقول...

hi ya amr
علي فكره انت البلوج بتاعك جامد مووت
وانت كمان بلوجر جامد اوي
ولازم تكمل رحلتك المأساويه ديه عشان بجد انا عايزه اسمعها
وبردوا مش هسيبك غير معرف مين الراجل مجهول الهويه اللي قابلته في الطياره
ولازم ترد عليا ضروري

Hanan Mohammed يقول...

hi again
حاول ياعمر تفهم الناس انهم يقروا الحلقات من تحت لفوق بدل ماهي متشقلبه كده
يا اما انت تكتبها من المشقلب يعني من اخر الرحله لغايه اولها.عشان الناس تعرف تقرا

Noodles يقول...

we7sha awi in comparison with the rest fe3lan! :D
bas so funny that i cant deny :D
المأساه i guess